Səkinə Musayeva

Hər bir insanın özünəməxsus hekayəsi, yaşadığı çətinliklər və dünyanı anlama tərzi var. Psixoloji dəstəyin də məhz bu fərqlilikləri nəzərə alaraq, hər kəsin ehtiyaclarına uyğun qurulmasının vacib olduğuna inanıram. Konsultasiyalarımda hər kəsin özünü rahat ifadə edə biləcəyi, mühakimə olunmadan dinlənildiyi bir mühit yaratmağa çalışıram. CBT (Koqnitiv Davranış Terapiyası) yanaşmasından istifadə edərək düşüncələrimizin, emosiyalarımızın və davranışlarımızın bir-birinə necə təsir etdiyini anlamağa, çətinliklərə fərqli perspektivdən baxmağa və daha faydalı mübarizə strategiyaları formalaşdırmağa diqqət yetirirəm. Məqsədim sizə hazır cavablar vermək deyil, özünüzü daha yaxşı tanımağınıza, hisslərinizi anlamağınıza və həyatınızda qarşılaşdığınız çətinliklərin öhdəsindən gəlmək üçün sizə uyğun yollar tapmağınıza dəstək olmaqdır.